Brief van
een moeder an heure zeune in ’t leger
Beste zeune
Ik schrijf
u dezen brief om eu te loate wete dat kik u schrijve.
Oas ge
dezen brief ontvangt hedd’em gekrege. Moest g’hem nie gekregen hen, verwittigt
mij toens da’k hem were kan versture.
Ik schrijve
nogal troage omda’k wete dadde nie rap keunt leze.
Overloast
hee eu pa ieveranst geleze dan de mieste ongelukke op nog giene kilometer van
eu huis gebeure. En doarveure zijme wa vuder goan weune. ’t Zuust adres
weetekik nog nie want de veurige huurders hen den huisnuméro meegepakt.
‘k Hè
vandeweke een nieuwe veste veur eu gekocht en ‘k zal ze opsture. Moar, nonkel
Zif hee gezeid dan de knope te zwoar zijn en da’t dus mier goa koste veur hem
op te sture. Doarom hè kik die knope der afgesneeje en ze in euw zakske
gestoke.
Van nonkel
Isidoor, die persede joare gestorven es, hure w’uuk niets ne mier.
’t Goe nieuws
es da euwe pa promose gemoakt hee. Hij hee neu 500 man onder hem, gezien dat
hij ’t ges afrijdt op ’t kirkof hiere in de gebuurte.
Eu zuster
Julia, ge weet wel, dedie die mee eure man getréwd es, es bevallen. Me weten
feitelijk nog nie of da’t ne jongen of een meiske is, en dus weten w’uuk nie of
dadde neu tante of nonkel geworde zijt…
Passede
weke hee euw broere Zuul zijn autodeure toegeslege tebinst da zijn sleutels nog
op het contact zate. En dus est hij mee de bus noar huis moete rije veur zijn
riservesleutels. Veur ons uit den auto te keunen loate.
Ps: ‘k Zoe eu nog wat geld opgestuurd hen moar k’hoa den envelop al
toegeplakt.
